Masala #R109E

RoboContest Telegram guruhida taqiqlangan so‘zlar ro‘yxati mavjud. Moderator bot xabarlarni tekshiradi.

Har bir foydalanuvchi uchun quyidagi qoida amal qiladi.
Agar foydalanuvchining barcha xabarlarida taqiqlangan so‘zlarning umumiy substring uchrashlari soni \(K\) yoki undan ko‘p bo‘lsa, u foydalanuvchi bloklanadi.

Substring uchrashni sanash qoidasi
Taqiqlangan so‘z \(s\) va matn \(t\) berilgan bo‘lsin. Agar \(t\) ning \(i\) pozitsiyasidan boshlab \(|s|\) ta belgi aynan \(s\) ga teng bo‘lsa, bu bitta uchrash hisoblanadi. Uchrashlar ustma ust tushishi mumkin va har biri alohida hisoblanadi.
Foydalanuvchi uchun umumiy uchrashlar soni uning barcha xabarlaridagi barcha taqiqlangan so‘zlar uchrashlari yig‘indisiga teng. Turli xabarlar orasidan substring “o‘tib ketmaydi”, ya’ni har bir xabar alohida tekshiriladi va so‘ngra yig‘iladi.

Sizga guruhdagi xabarlar va taqiqlangan so‘zlar ro‘yxati beriladi. Qaysi foydalanuvchilar bloklanishini aniqlang.

irinchi qatorda uchta butun son \(N, M, K\) beriladi \((1 \le N \le 10^3, 1 \le M \le 10^5, 1 \le K \le 10^5)\).
Keyingi \(N\) qatorda xabarlar quyidagi formatda beriladi:
@username: message

Bu yerda:
username faqat kichik lotin harflaridan iborat.
message faqat kichik lotin harflaridan iborat.

Keyingi \(M\) qatorda \(M\) ta taqiqlangan so‘z \(s_1, s_2, ..., s_M\) beriladi. Ularning barchasi kichik lotin harflaridan iborat va o‘zaro turlicha.

Qo‘shimcha cheklovlar:
username uzunligi 5 dan 20 gacha.
Turli foydalanuvchilarning username lari turlicha.
Bitta foydalanuvchi bir nechta xabar yuborishi mumkin.
Har bir message uzunligi 1 dan 500 gacha.
Har bir taqiqlangan so‘z uzunligi 1 dan 500 gacha.
Barcha taqiqlangan so‘zlar uzunliklari yig‘indisi \(5 \times 10^5\) dan oshmaydi.

Bloklanadigan foydalanuvchilarni leksikografik tartibda chiqaring, har birini alohida qatorda, @ belgisi bilan birga.
Har bir username ko‘pi bilan bir marta chiqarilsin.
Agar hech kim bloklanmasa, “No blocks” chiqaring.